Elkarretaratzea egingo da Paella egunean Getxon
Ostirala, 2008 Uztaila 18
Elkarretaratzea Paella egunean: uztailak 25, ostirala, Getxoko Aixerrotako zelaiak, 12:30.
Artxiboa: 2008 Uztaila
Fredi Paya: Anjel Figueroa
Ostirala, 2008 Uztaila 18
Ahoa proposamen etikoekin, giza eskubideen aldeko aldarrikapenekin zein biktima batzuei bakarrik egindako omenaldiekin betetzen zaien horiei bideo bat ikustea gomendatuko nieke. Uribe Kostako preso politikoen Etengabe web orrian aurkitzen da. Uztailaren seian Gasteizko Legebiltzarreko Giza Eskubideen batzordean zenbait senide eta abokatuk eginiko agerraldia ikus liteke. Edozein ideologiaren gainetik, pertsona izaten jarraitzen dugun edo ez frogatzeko aukera paregabea. Bele beltzek uso zuriei buruz berba egiten diguten herri honetan.
Ostiralean Anjel Figueroaren aldeko mobilizazioa Algortan
Asteartea, 2008 Uztaila 8
Ostiral honetan, uztailak 11, beste mobilizazioa egingo da Anjel Figueroaren alde Algortan.
Preso gaixoak: Etxeraten agerraldia Gasteizko Parlamentuko Giza Eskubideen Batzordearen aurrean
Astelehena, 2008 Uztaila 7
Etxerat-eko ordezkaritza bat Eusko Legebiltzarreko Giza Eskubideen Batzordean izan zen 2008ko ekainaren 26an. Jose Cruz Cotok, Egoitz Coto euskal presoaren aitak, batzordean parte hartu zuten alderdietako ordezkariei preso hauek bizi duten egoeraren inguruko txosten bat eman zien. Jose Cruz Cotorekin batera Angel Figueroaren ama Mari Carmen Fernandez, Joseba Asensio euskal preso zenaren arreba Bego Asensio eta Ainhoa Baglietto abokatua izan ziren Legebiltzarrean.
Gaixorik dauden presoak aske uzteko eskatu dute Donostian
Igandea, 2008 Uztaila 6
Gaixotasun larriak dituzten euskal presoak aske uzteko galdegin zuten atzo arratsaldean hirurehun lagun inguruk, Donostian, “Juango Rego egoera larrian. Gaixorik dauden presoek kalean egon behar lukete. Kalera orain!” lemapean. Anmistiaren Aldeko Mugimenduak deitutako manifestazioa inolako istilurik gabe izan zen, Ertzaintzaren zaintzapean. Manifestariek PSOEren aurkako eta euskal presoen aldeko oihuen artean egin zuten ibilbidea.
Anjel Figueroaren askatasuna aldarrikatu dute Algortan
Larunbata, 2008 Uztaila 5
Larriki gaixo dagoen Anjel Figueroa Algortako preso politikoaren osasun egoeraren okerragotzeaz kezkatuta, atzokoan, 70 bat lagunek egin zuten elkarretaratzea Algortako Telletxe plazan, Anjel kalera! herri ekimenak deituta. Horretaz gain, Mikel Ibañez preso gaixo elgoibarraren egoera salatu zuten algortarrek.
Preso gaixoen askatasuna exigituko dute bihar Donostian
Ostirala, 2008 Uztaila 4
MANIFESTAZIOA: uztailak 5, larunbata, 17:30ean, Donostiako Bulebarretik abiatuta.
Anjel Figueroaren aldeko kontzentrazioa izango da bihar Algortan
Osteguna, 2008 Uztaila 3
Larriki gaixo dagoen Anjel Figueroa Algortako preso politikoaren osasun egoeraren okerragotzea ikusita, ostiral honetarako, uztailak 4, elkarretaratzea deitu du Algortan Anjel kalera! herri ekimenak. Protesta 20:00etan izango da Telletxen. Figueroa atzo ospitaleratu behar izan zuten berriro ere bi krisialdi bortitz pairatu ondoren. Orain dela aste bat atera zuten Txagorritxutik Langraizko espetxera atzerako bidean eramateko. Ekainaren 25ean eman zioten alta medikua azkenengoz, eta azken hilabeteotan ospitaletik espetxera eta espetxetik ospitalera darabilte, gurpil ero batean.
Askatasunaren salaketa
Asteazkena, 2008 Uztaila 2
Anjel Figueroarekin egiten ari direnak erakusten du PSOEren espainiako gobernuak, preso politikoak suntsitzeko helburuz darabilen espetxe politikaren krudeltasuna eta mendeku gosea norainokoa den.
Anjel Figueroa ospitaleratu dute berriz, krisialdi bortitzak jasan ondoren
Asteazkena, 2008 Uztaila 2
Gaixo larri eta sendaezina den Anjel Figueroa Algortako preso politikoa ospitaleratu behar izan dute berriro ere bi krisialdi bortitz pairatu ondoren. Figueroa Txagorritxun dago orain baina medikuak aztertzen ari dira Gurutzetako ospitalera eramatea ala ez. Figueroa orain dela aste bat atera zuten Txagorritxu ospitaletik Langraizko espetxera atzerako bidean eramateko. Ekainaren 25ean eman zioten alta medikua azkenengoz, eta azken hilabeteotan ospitaletik espetxera eta espetxetik ospitalera darabilte, gurpil ero batean.