Larunbata, 2008 Maiatza 24
Atzo, maiatzak 23, berriro eraman behar izan zuten Anjel Figueroa Txagorritxuko ospitalera, krisialdi larriak izan ondoren. Preso gaixo algortarraren egoeraren xehetasunak jakin artean, Figueroaren egoera egunetik egunera larriagotzen ari dela ohartarazi nahi dugu. Epilepsia krisialdiak maizago izaten ditu eta gero eta gogorragoak, gainera. Azken hilabeteetan sarri eraman behar izan dute ospitalera, krisialdien larritasunagatik. Hala ere, ordu edo egun batzuk ospitalean egon, eta berriro eraman dute Langraizko espetxera. Hartara, berriro ere preso politiko algortarra behingoz aska dezatela exijitzen dugu.
Berriak |
Larunbata, 2008 Maiatza 24
Atzo, maiatzak 23, berriro ingresatu behar izan dute Anjel Figueroa Txagorritxuko ospitalean, krisialdi larriak izan ondoren.
Berriak |
Ostirala, 2008 Maiatza 16
Anjel kalera! herri ekimenak deituta, 20 lagun inguruk egin dute elkarretaratzea, gaur eguerdian, Algortako Bidezabal kaleko anbulatorioaren aurrean.
Berriak |
Igandea, 2008 Maiatza 11
Algorta, Aramaio, Arrasate, Bilbo, Donostia, Gasteiz… 200 lagun inguruk egin dute gaur, Langraizko espetxera martxa, Anjel Figueroa algortarra, Jon Agirre aramaioarra, Josu Uribetxeberria arrasatearra eta bertan dituzten gainontzeko preso gaixoen askatasuna eskatzeko asmoz.
Berriak |
Ostirala, 2008 Maiatza 9
Anjel Figueroa algortarra, Jon Agirre aramaioarra, Josu Uribetxeberria arrasatearra eta bertan dituzten gainontzeko preso gaixoen askatasuna aldarrikatzeko asmoz, Langraizko espetxera egingo da martxa igande honetan, maiatzak 11. Hain zuzen ere, gaur eman dute horren berri, Salhaketaren Gasteizko egoitzan, Carlos Hernandezpresoen aldeko aipatu elkarteko Bizkaiko koordinatzaileak, Amets Ladislao Anjel kalera! herri ekimeneko kideak eta Lur Pagoaga Arrasateko lagunak (argazkian, ezkerretik eskuinera). Begoña Mugerza Jon Agirreren koinatak, horren anaia Emiliok eta Mari Karmen Fernandez Anjel Figueroaren amak (hiruak zutik atzean) ere parte hartu dute prentsaurrekoan. Horrenbestez, etzirako 12:00etan jarri dute hitzordua Gasteiz aldeko Lopidana zerbitzugunean, espetxera 12:30ak aldera heltzeko.
Berriak |
Osteguna, 2008 Maiatza 8
Eusko Jaurlaritzako Lehendakaritzara eta Langraizko espetxera egindako bisitan, herritarrek emandako 3.582 sinadura zuzendu dizkie gaur Juan Jose Ibarretxe EAEko lehendakariari eta Juan Antonio Perez kartzeleko zuzendariari, Anjel kalera! herri ekimenak. Goizean bezala, Mari Karmen Fernandez Figueroaren ama buru zela, beste horrenbeste egin zuten joandako apirilaren 25ean Getxoko udaletxeko erregistroan, orduan Imanol Landa alkateari zuzenduz.
Berriak |
Asteartea, 2008 Maiatza 6
Datorren igandean martxa bat egingo da Langraizera euskal preso politiko gaixoen kaleratzea aldarrikatzeko.
Berriak |